اذا كان مرسى مسلم فالسيسى مسلم . اذا كان مرسى حافظ للقران فالسيسى حافظ للقران .

اذا كان مرسى مسلم فالسيسى مسلم .
اذا كان مرسى حافظ للقران فالسيسى حافظ للقران .
واولاده الاتنين حفظة قران كريم وفازوا فى مسابقات تحفيظ القران على مستوى الجمهورية وتم سفرهم لاداء فريضة الحج كمكافاة لهم من الدولة ( وكان ساعتها ابوهم لسه عقيد فى الجيش ) علشان اصحاب التفكير العميق والاذكياء اللى هايقولوا ( اكيد طبعا لازم يفوزوا مش ابوهم وزير الدفاع ) . لا كان لسه مجرد ضابط صغير فى صفوف الجيش ساعتها .
اذا كان مرسى زوجته محجبه فاحب اعرفكم ان السيسى مراته ( منقبه ) .
اذا كان مرسى سافر اشتغل فى امريكا ( الفاجرة ) فالسيسى كان ملحق الدفاع المصرى فى السعودية ( ارض رسول الله الكريم ) وانه الوحيد اللى سافر ملحق عسكرى ومراته منقبه .ولو كان بيجرى ورا مال او سلطة كان ممكن يقلعها النقاب ويسافر سفرية احلى فى بلد زى امريكا لكن لانه مسلم بحق وغيور على دينه رفض خلعها للنقاب حتى الان .
بالاضافة لكل ماسبق احب افكركوا ان السيسى بقاله اكتر من 30 سنة بيخدم فى الجيش المصرى ومرسى قضى سنين طويلة من عمره فى السجون والمعتقلات .
واقروا تاريخ مرسى هاتلاقوه عمره ما اتسجن لاسباب دينية ولا لاسباب متعلقة بنصرة الاسلام ولا تطبيق الشريعة انما لانه كان متهم فى قضية خيانة وتجسس .
الان وفجاه اصبح الرجل العسكرى خائن والرجل الخائن الذى تم تهريبه من السجون اثناء يناير بطل اسلامى قومى .

ادعوا من الله ان يتعقل اهل مصر ويفكروا فيما يفعلون وفيما يقولون وان نتعاون جميعا لحقن الدماء لاننا فى النهاية سنعود الى بعضنا البعض مهما حدث...!!!