انت فاكر السيسي هو السبب في اللي بيحصل !! فاكر ايام الانتخابات الرئاسية ؟ طلع مرسي والعصابة الساعة 4 الفجر أعلن انه الرئيس الرسمي بتوقيت واشنطن قبل حتى انتهاء فرز جميع الاصوات وقبل النتائج الرسمية. امريكا اعترفت بشرعية مرسي بالزيت والسكر اللي قرفونا بيه

انت فاكر السيسي هو السبب في اللي بيحصل !!

فاكر ايام الانتخابات الرئاسية ؟ طلع مرسي والعصابة الساعة 4 الفجر أعلن انه الرئيس الرسمي بتوقيت واشنطن قبل حتى انتهاء فرز جميع الاصوات وقبل النتائج الرسمية.

امريكا اعترفت بشرعية مرسي بالزيت والسكر اللي قرفونا بيها.

لو كان شفيق الفائز كان حيتم حرق مصر تماماً نفس اللي بيحصل انهرده وظهرت فعلا حملات ودعوات بان الانتخابات حتتزور وان أي تزوير حيقابل بمظاهرات وغضب في جميع انحاء الجمهورية.

يعني يا مرسي ياخد الكرسي يا يحرقوا مصر.

الفرق ان وقتها لو كان الجيش أصر على موقفه في حماية الشرعية الحقيقة وإنقاذ الدولة من براثن الجماعة الارهابية كنت حضرتك عشان كنت مغيب حتنزل تدافع عن الجماعة الارهابية وتهتف ضد الجيش المصري وتحاربه معاهم ! وكانت حتبقى النهاية لمصر.

الجيش صبر صبر صبر صبر لحد ما حضرتك ربنا هداك وفهمت وعرفت الحقائق وبناء على كده اتدخل ورمى نفسه في النار ووقف قدام العالم كله عشان يحمي حضرتك وينقذ مصر.

عارف ليه حسيت بهم اتزاح من على قلبك لما الجيش عزل مرسي بناء على شرعية الشعب؟؟
عشان كلنا كنا متاخدين رهاين .. يا يتنفذ اللي هما عايزينه يا إما يفجرونا ويحلوا دمنا وياخدونا سبايا وجواري وغنائم حرب !