البنات عايزة اكيد الرجالة

البنات عايزة اكيد الرجالة


السلام عليكم ،
باختصار .. تحفظاتي على الرجال بشكل عام كثيرة ولا أثق في رجل مهما فعل ومهما قدم من فروض الولاء والطاعة ، مش عقدة بالمعنى قد ما هية عدم ثقة من اللي بعرفه من الأصحاب ومتقدملي دلوقتي شاب وانا عمالة اعطل الرد وأهلي ضاغطين علية كالعادة ، مش عارفة أتصرف أزاي خصوصا أني خلصت جامعة وبشتغل والاهم من كده ان الشاب ده أصلا مش لافت انتباهي باي صفة فيه لقيته شخص عادي وانا حتى لو هتغاضى عن إحساسي تجاه الرجال عموما وأفكر في الزواج يبقى على الأقل لازم يكون باهرني باي حاجة .. مش عارفة ان كنت صح ولا غلط لكن قلت افضفض انا كمان مجتش علية يعني هههههههه بس بجد وبعيد عن الهزار انا محتاجة نصيحة فعلا وشكرا لك أستاذة نيفين انا عارفة أني مزهقاكي رسائل بس المرة دي ممكن تكون للنشر إذا سمحتي علشان عايزة اكيد الرجالة واقرأ ردودهم .
سين هانم
 

طيب يا سين هانم اشربي بقى من الرجالة اللي هتغيظيهم انا بقول ابعدي عن الشر وغنيله ) بس بتمني ان القراء ياخدوا الموضوع جد ويفيدوكي فعلا بنصائح وخلي ردي انا بيني وبينك أحسن ، علشان كتير بتاخد في الرجلين وانا بصراحة تعبت من كتر ما انا مش عاجبة حد .. مش عارفة ارضي الناس خالص ) بس بجد بحب الكل وبكون سعيدة باستقبال كل الرسائل .. بتمنالك كل الخير .. تحياتي .