Admin
Admin
عدد المساهمات : 7727
نقاط : 27396
السٌّمعَة : 1
تاريخ التسجيل : 28/09/2012
 | | موضوع: مقاطعة " ألبيرتا" و هى أحدى مقاطعات كندا , Province, "Alberta" and is one of the provinces of Canada,... الثلاثاء ديسمبر 03, 2013 10:21 pm | |
| مقاطعة " ألبيرتا" و هى أحدى مقاطعات كندا , Province, "Alberta" and is one of the provinces of Canada,... السلام عليكم و رحمة الله و بركاتة , تحية طيبة للجميع , مقاطعة " ألبيرتا" و هى أحدى مقاطعات كندا , كندا " مقاطعة ألبيرتا " هذة معلومات مقتبسة من أحدى المنتديات للتعريف بوجة عام عن مقاطعى " ألبيرتا " و تم التعديل بواسطة دليل " عرب كندا " http://arabcanada.blogspot.com/ و هو أول و اكبر دليل عربى كندى لكل المهاجرين و المقيمين فى كندا , و يربط الدليل كندا بالوطن العربى و يعطى فكرة عامة عن الوطن العربى و خاصة عن كندا و علاقتها بالوطن العربى و يتم مناقشة ألاف المواضيع كل يوم على الدليل و ندعو الجميع للمشاركة معانا بالتعليق و الأراء , بالتوفيق و للجميع . هنبدأ ان شاء الله الباب الجديد ده لمقاطعة البرتا "بير بترول كندا".......طيب اشمعنا عملنالها باب لوحدها؟؟؟
بحكم اني شايف ان فيه تشابه كبير بين الخليج و كندا و الغرب عامة في بعض الاشياء و الماديات و المعيشة المنظمة و توزيع المرتبات بالنسبة للوظائف و القطاعات....و بحكم اني شغال في السعودية بقالي كام سنة اهو و عمال بتنطط فيها من شرقها لغربها...........البلاد دي قايمة اساسا علي البترول و سبب الدخل العالي لاي وظيفة فيها فيها هو البترول و كل ما كانت شغلتك اللي انت شغالها قريبة من مجال البترول او داعما له بتلاقي المرتبات تضاعفت و نطت.......طيب يبقي الواحد يدور علي بلد فيها بترول......وقد كان....... و بشوية قراية عرفت ان جزء كبير من دخل كندا من البترول وان الفلوس اللي بتطلع من البرتا بتتوزع علي باقي المقاطعات التي لا موارد لها
مع اني وقت ما سمعت عن كندا مكنتش اعرف و لا اسمع غير عن تورنتو...وهي تستاهل ان الواحد يعيش فيها لانها اكبر مدينة هناك بس لو معاك فلوس و مأمن شغلانه كويسه بمرتب محترم و استقرار....بس طبعا بحكم اننا كلنا لسه جداد علي البلد دي و خايفين علي القرشين اللي جايبينهم معانا من الخليج و ملناش اي فرصة غير للشغل المتواضع في البداية .....يبقي لازم نركز علي رفع نسبة نجاحنا في كندا من خلال اختيار اماكن مناسبة لايجاد فرص عمل حتي لو لم تكن الافضل علي الاطلاق
وفي يوم قابلت مهندس عجوز معاه الجنسية و كان شغال وساكن في كالجري و ده اول سمع ليا عن البلد دي و انها في كندا اساسا....سألته قالي دي بلد جميلة و ضغيره بالنسبة لتورونتو بس مشكلتها انها ابرد شويه.....وعدت سنين بعدها ماسمعتش عنها اي حاجة......ومن سنه كده اتعرفت علي واحد تاني معاه الجنسية و كان عايش في تورونتو.......وفي وسط كلامنا قالي ان فيه بلد الناس اللي بتفشل في تورونتو بتهرب ليها عشان فرص الشغل فيها احسن و المرتبات اعلي بكتير....وهوا ليه اكتر من صديق هربوا علي هناك و كان بيقولي ان مرتب جرسون في مطعم هناك حوالي 20 دولار في الساعه يعني تقريبا مثل مرتب المهندس الجديد في تورونتو بعد ما يبقي مهندس نقابي و بعد المعادلة و الدوشة اللي احنا عارفينها دي.....
اوم ايه كبرت في دماغي.....انا مش بحب افشل و لا بحب اعمل زي باقي الناس و خلاص.....طيب مانا اختصر الطريق وانزل علي طول علي البرتا بدل ماضيع القرشين بتوع الخليج دول في المخاطرة بتاعة تورونتو و يا عالم هانجح و لا هافشل.......وبالفعل بدأت اخد القرار علي كده و بدأت اجمع معلومات عن المقاطعة دي و عن المدن الكبيرة اللي فيها و لقيت اكبر و اشهر مدينتين فيها....الاولي: ادمينتون و هي العاصمة تقع شمالا شويه و من اكبر المدن الكندية و بيقولوا اهلها ودوديين و فيها فرص شغل كويسه
و التانيه: مدينة كالجري و هي في جنوب ادمينتون و هي اكبر و فيها حيوية اكتر و حركة و قريت كلمة في موقع انجليزي بس مش فاهمها قوي انها العاصمة الادارية لالبرتا....المهم ناس قعدت تقولي دي و ناس تانيه تقولي دي و الاتنين كويسين مع بعض فروق صغيرة في الاسعار بينهما.....المهم انا بعد قرائتي شويه في النت من المواقع الكندية حبيت كالجري و حسيت انها انشط شويه....و اخترتها لانها قريبة من مدينة بانف و هي مدينة صغيرة سياحية في شوية مناظر من بتوع الجنة و لو عايز تتفرج اعمل سيرش هتلاقي مناظر كتير ليها و فيه موقع كمان للمنتجع ده و فيه صور تمام....اسمه بالانجليزي Banff
طبعا بردو ربنا محرمش ادمينتون من الموضوع ده.....هنا منتجع سياحي جبلي جنبها بردو فيه سياحة الثلوج و التزلق و مناظر طبيعية تحفة بردو بس مش زي بانف
طيب ايه بقي مميزات العيشة في البلد دي عن تورونتو؟؟؟
اولا: هتلاقي شغل بسهولة و مرتبات كويسه نظرا للعجز الرهيب في الايدي العاملة فيها حتي انها مفتوحة للهجرة الترشيحية من خلال المقاطعات "provincial nomination" بس طبعا مش لينا .....بس العيشة هناك غالية......وكمان السكن اغلي......صح....بس بمعادله بسيطة انك لو قدرت تستغني عن بعض الكماليات في حياتك هتلاقي المرتب ده ممتاز للعيشة احسن من اللي ممكن تاخده و تشيله في تورونتو ده لو لقيت شغل غير الحراسة و الحجات اللي زيها في تورونتو ......امال انا هاشتغل ايه في البرتا.....هاقولك ان حضرتك غالبا هتشتغل شغلتك بتاعة مصر من غير معادلة ولا يحزنون بس الموضوع انك مش هتمضي علي حاجة و مش هتبقي شايل مسئوليات المهندس النقابي مثلا لو انت مهندس.......بس طبعا مرتبك مش هيبقي زي مرتب المهندس النقابي .......بس طبعا دي حاجه ممتازة و كفيلة برفع روحك المعنوية كثيرا في الاول حتي لو المرتب مش قد كده بس حسيت انك لسه مهندس او مبرمج او غيره...يعني لسه بكرامتك......نسبيا لحد ما تعمل المعادلة و اللي هيا بالمناسبة اسهل من تورونتو في معظم المجالات.
ثانيا:البرتا (كالجري و ادمينتون) من اكثر المدن الكندية عرضة للشمس يعني نصيبها كبير من الشمس و عدد ساعتها علي مدار العام رغم برودتها...مش بس كده فيه رياح بتيجي عليها في عز الشتا مش فاكر اسمها بالضبط بس تقريبا الشينوك حاجه زي كدا دي بتقلل درجة الحرارة في يوم و ليلة من 20 تحت الصفر الي 5 فوق الصفر مثلا....يعني تصحا الصبح تلاقي مفيش تلج و الدنيا حلوه و دافيه....سبحان الله
ثالثا: البلد اصغر من تورونتو بكتير وبالتالي اهدا و اامن ....
رابعا: الضرائب فيها اقل وكمان فيها مصريين وعرب كتير
طبعا الموضوع من وجهة نظري و كل واحد ممكن يشوف شئ اخر انسب ليه حسب طبيعة عملة و ميوله الشخصية.....زي اخويا سامح سعد.....هوا شايف ان انسبله ينزل تورونتو لانه شغله متعلق و متوفر و ليه فرص هناك احسن من البرتا.......في الاخر الموضوع يرجعلك انت مش حد تاني
نبتدي بسم الله الرحمن الرحيم
The Alberta provincial government recently announced that residents of Alberta can now sponsor their close relatives for fast-tracked Permanent Residency under a new section of the Alberta Immigrant Nominee Program (AINP). The expansion of the program seeks to stimulate population and labour force growth and to create more welcoming communities for newcomers.Though it has the fastest growing population in Canada, Alberta continues to struggle from labour shortages across many sectors. International migration has become the most important driver behind Alberta’s population increase, and the AINP is helping to assure that it remains so. The new Family Stream will open the door to a new category of applicants who can contribute to the provincial workforce.Canadian citizens and Permanent Residents who have resided in Alberta for at least two years can sponsor a parent, child, brother, sister, aunt, uncle, niece or nephew for provincial nomination. Though applicants do not need a job offer, they must possess certain minimum criteria to ensure that they will integrate into the workforce well. They must have a post-secondary degree, diploma or certificate, work experience, and be between 21 and 45 years old. They, or their spouse, must have accessible funds of at least $10,000 CAD and another $2,000 CAD for each accompanying dependent.“Albertans have family members with skills and knowledge Alberta needs,” stated Alberta Minister of Employment and Immigration, Hector Goudreau. “Adding this family stream to the Alberta Immigrant Nominee Program will help us meet our workforce needs while creating more diverse and welcoming communities for all our families.”Manitoba, Prince Edward Island, Saskatchewan, and more recently, Newfoundland and Labrador have established family reunification categories within their Provincial Nomination Programs (PNP). Immigrants that come to Canada under these programs often have an easier time adjusting to the community and the workforce because they have the added support of family.Alberta expects the new AINP Family Stream will foster similar success, considering the large immigrant population in the province.اقتباس:
المشاركة الأصلية كتبت بواسطة hosiny
اولا: هتلاقي شغل بسهولة و مرتبات كويسه نظرا للعجز الرهيب في الايدي العاملة فيها حتي انها مفتوحة للهجرة الترشيحية من خلال المقاطعات "provincial nomination"
من الملاحظ فعلا في اماكن كثيرة يافطة "now hiring" و لكن ذلك بالنسبة للاعمال البسيطة.لكن طبعا لو بنتكلم عن اعمال متخصصة طبيب مهندس ...ده محتاج شوية بحث.
والشئ المطمئن في رحلة البحث عن العمل ا ن عادة عندما تقدم لاعلان عمل -لو من على موقع نت زي Workopolis مثلا -انت تقدم في الحقيقة لrecruiter و يكون هو الوسيط مع الشركة التي ستعمل بهابعد ذلك.و من صلحته طبعا ان يحصل لك على اعلى اجر حتى ياخذ اعلى نسبة من صاحب الشركة (و ليس منك انت). كمان لو حصل و لم توفق في اول فرصة عمل هو بيكون لديه ملف خاص بك خلاص و يبحث لك عن اللي بعدها.المهم في ذلك انك طبعا يكون عندك سى في محترم و انك تظهر جديتك مع هذا الrecruiter و تتابع معاه و تساله حتى يتاكد هو من جديتك و انك ستكون حالة كسبانة بالنسبة له.(ده بالنسبة لمجال الهندسة و الايتي و الhuman resources ا كيد , و مثلا في معظم الشركات الخاصة, و ايضا قطاعات الحكومة هنا في البرتا يتم جزء كبير من خلال الrecruiter , و لكن بالنسبة لمؤسسات اخرى -زي مثلا وزارة الهجرة و اللجوء و يمكن عشان مقاييس الامن فيها اعلى - يكون التقدم للعمل مباشرة معهم و ليس من خلال احد)
اقتباس:
.....بس العيشة هناك غالية......وكمان السكن اغلي......صح....بس بمعادله بسيطة انك لو قدرت تستغني عن بعض الكماليات في حياتك هتلاقي المرتب ده ممتاز للعيشة احسن من اللي ممكن تاخده و تشيله في تورونتو
لااعلم بالضبط بالمقارنة باونتاريو او كيبك,,,بس مثلا بالارقام على طول : الشقة الصغيرة (حجرة نوم صالة حمام مخزن مطبخ و بلكونة) في البرتا-ادمنتون المنطقة على بعد3٠ دقيقة من الdowntown حوالي 850 او 950 دولار شهريا. لو كندو في نفس المنطقة (كوندو:شقة مستواها افضل لانها عادة تؤجر من شخص و ليست شركة ,المحيط بتاعها اجمل و انظف ,فيهاعادة باركينج تحت الارض و الappliances داخل المنزل اكثر:بوتاجاز مايكرويف ثلاجة غسالة دراير-حجرتين و صالة و حمامين و مخزنين و دراسينج صغيرو بلكونة) دي حوالي الى 1300٠. اعتقد فعلا ان السكن ده اغلى من مثيله في مونتريال .
اقتباس:
......امال انا هاشتغل ايه في البرتا.....هاقولك ان حضرتك غالبا هتشتغل شغلتك بتاعة مصر من غير معادلة ولا يحزنون بس الموضوع انك مش هتمضي علي حاجة و مش هتبقي شايل مسئوليات المهندس النقابي مثلا لو انت مهندس.......بس طبعا مرتبك مش هيبقي زي مرتب المهندس النقابي .......
بالنسبة للمهندس و عن تجربة شخصية و رغم اني كنت كسولة فعلا في البحث عن عمل الا انه جائتني كذا فرصة اول ما وصلت بدون ان احتاج للمعادلة وحتى التسجيل بالنقابة.و المرتب طبعا اقل مش بس بسبب النقابة و لكن ايضا بسبب عدم وجود خبرة كندي.
اقتباس:
ثانيا:البرتا (كالجري و ادمينتون) من اكثر المدن الكندية عرضة للشمس يعني نصيبها كبير من الشمس و عدد ساعتها علي مدار العام رغم برودتها...مش بس كده
هو التعرض للشمس لا يعني بالضرورة الدفء, الشمس موجودة هنا في الشتاء و الحرارة -٣٠في الهواء.
كما ان الشمس على مدار اليوم في الصيف تضايق و خاصة لو في رمضان حيث كان الفجر حوالي في اثالثة والمغرب الثامنة و النصف مساء. و قبل كده في الصيف اكثر كان المغرب الساعة ١٠!!
و في الشتاء حاليا النهار قصير جدا الفجر الساعة ٧ صباحا و المغرب الساعة 4.
اقتباس:
فيه رياح بتيجي عليها في عز الشتا مش فاكر اسمها بالضبط بس تقريبا الشينوك حاجه زي كدا دي بتقلل درجة الحرارة في يوم و ليلة من 20 تحت الصفر الي 5 فوق الصفر مثلا....يعني تصحا الصبح تلاقي مفيش تلج و الدنيا حلوه و دافيه....سبحان الله
متهيالي الرياح دي في كالجاري و ليست ادمنتون و هي بالفعل ادفى قليلا من الاخيرة. بالنسبة لموضوع الثلج لما بيسيح :الثلج في الحقيقة يمتص جزء منالبرودة لذا هو نزوله مشمعناه ان هذاابرد حاجة. بالعكس المشكلة اكثر من الرياح و دي سبب البرد و ليس الثلج.لذا عندما تقرا الحرارة تقراء الدرجة في الwindchill عشان ده المؤشر الصادق: من٤ اسابيع كده كانت الحرارة حوالي -20 و لكن المهم كانت الwindchill -٣٥.
اقتباس:
ثالثا: البلد اصغر من تورونتو بكتير وبالتالي اهدا و اامن ....
بالنسبة لادمنتون هي اكيد صغر من تورتنو واهدا لكن مش مؤكد موضوع اامن , دي محتاجةاحصائيات. و لكن اكيد بالنسبة للخروج و السياحة هياكيد اقل من تورتنو و كالجاري و خاصة في الشتاء.
اقتباس:
رابعا: الضرائب فيها اقل وكمان فيها مصريين وعرب كتير
اكبر جالية من العرب هنا في ادمنتون هي الجالية اللبنانية و ده من خلال ملاحظتي الشخصية و ليست احصائية و هي بالمناسبة انشط جالية ايضا. و المحل العربي الوحيد الذي يبيع الاكل العربي و الحلال هو لبناني. اعتقد في تورنتو هناك كثير من محل عربي و ليس واحد. هنا مدرسة وحيدة اسلامية في ادمنتون و لكنها اكبر مدرسة اسلامية حجما في شمال امريكا كلها. و الجالية العربية هنا عامة ليست في مثل نشاط و حضور جالية تورنتو, و التي ادى حضورها الطاغي مثلا الى حشد الاف للمؤتمر الاسلامي السنوي الذي يعقد هناك و يقصده الشيوخ منالمشرق و المغرب.كل شئ عن ألبيرتا- أدمينتونمتوسط تكلفة المعيشة :
محتاج احصائية عشان يكون دقيق, و لكن بوجه عام دي تقريبا المصاريف الشهرية :
حوالي 100 دولار -ل2 فرد -أسبوعيا لطلبات الطعام , شاملة:من المحل العربي: لحوم و دواجن حلال, خضار مصري (بامية و ملوخية مثلا) جبن حلاوة تمر .... ومن الsuperstore سوبرماركت (أرخص سلاسل السوبر ماركت هنا هو الsuper stpore , ثم sobeys ثم safeway ثم saveonfoods و في كمان costco يعتبر من ارخصهم إلا أنه بالجملة و بإشتراك لذا يصلح أكثر للأسر الكبيرة أو للإستهلاكها كبير.) , خضار عادي(, خبز....اسماك..
حوالي 40 دولار للكهرباء لأسرة قليلة الإستهلاك
حوالي 60 دولار اشتراك نت+تليفون+قنوات التلفزيون (ممكن 25 دولار فقط لو نت فقط)
المواصلات 2,5 دولار التذكرة للمترو و للأتوبيس(لمدة 90 دقيقة يمكن الركوب أي عدد مرات في اي منهما, و لكن بعد هذا الوقت مطلوب تذكرة جديدة) أو الإشتراك الشهري ( 66 دولار و لكن هتأكد بالضبط ) لأي وقت لأى عدد ركوب.
العلاج مجانا في أي مستشفى اي عيادة (خاصة أو عامة) أي معمل تحاليل و اشعة ما عدا الأسنان و العيون, و غير شامل الدواء. (في أدوية on counter لا تحتاج لروشتة في أي سوبر ماركت و دي اسعارها عادية, و هناك ادوية بالروشتة و دي عادة أغلى (يعني كمثال احتجت مضاد حيوي 20 كابسول ثمنه 30 دولار)
ايجار الشقة 1300 دولار شقة حجرتين (لأربع أشخاص) في كندو(شاملة الباركينج و التدفئة ) أو حوالي 900 في شقة أقل تبع شركة تأجير.( شامل كهرباءو الباركينج و التدفئة ) أو حوالي 1300 ايضا في بيت صغير بسلم داخلي و بدور بدروم و حديقة صغيرة خلفية (يعتبر شقة راسية -غير شامل أي شئ )
الملابس طبعا الميزانية حسب كل شخص , و عامة لو تحريت الشراء في أوقات التخفيضات ستجد أن الاسعار أرخص كثيرا جدا من مصر (محلات المولات و الأسواق الشهيرة في مصر)
ملحوظة عامة: الضرائب 5% فقط على جميع السلع , و لكن من ناحية اخرى السلع أغلى قليلا من تورنتو مثلا بحوالي 30 أو 50 سنت (السلع الغذائية أما الملابس فنفسها تقريبا)
__________________________________
متوسط تكلفة الإيجار:
ايجار الشقة 1300 دولار شقة حجرتين (لأربع أشخاص) في كندو(شاملة الباركينج و التدفئة ) أو حوالي 900 في شقة أقل تبع شركة تأجير.( شامل كهرباءو الباركينج و التدفئة ) أو حوالي 1300 ايضا في بيت صغير بسلم داخلي و بدور بدروم و حديقة صغيرة خلفية (يعتبر شقة راسية -غير شامل أي شئ )
__________________________________
تواجد فرص العمل:
ايضا محتاج احصائية, و لكن كل شخص ممكن يقيس سوق عمله من أي موقع لفرص العمل )workopolis) مثلاhttp://www.workopolis.com/work.aspx?...=EN&theme=work
و بوجه عام , متوفر بكثرة فرص العمل الغير متخصصة في سلاسل المتاجر الكبرى مثلا ..و البلد عامة اتجاهها صناعي لذا اعتقد ان فرص الهندسة فيها متوفرة و خاصة اللإنشاء و الميكانيكا و الكمبيوتر (يمكن التأكد من الموقع السابق) ..
هناك شكوى عامة لنقص الأطباء..
لاحطت أن مهنة التمريض شائعة جدا هنا و اعتقد أن السوق يسمح باستيعاب المزيد (يمكن التأكد) .
__________________________________
الطقس:
الجو جميل و صحي جدا طول العام و لكن من أخر شهر نوفمبر و حتى منتصف مارس تقرييا البرد على اشده, يمكن أن تصل الحرارة ل-37 (متهيالي دي اقصى برودة سجلت هنا هذا العام) .و رغم ذلك هنا الناس متعايشة مع هذا الجو! طبعا مع بداية الربيع يجي العيد ,,و يستمر العيد لغاية نوفمبر في أخر السنة..
و هناك 3 طرق للتغلب على هذا البرد: أولا استخدام السيارة و دي متهيالي لابد منها في وجود أطفال, مع مراعاة وجود باركينج مغطي أو تحت الأرض (على الأقل في جهة السكن حتى تتحاشى برودة الصباح في ايام المدرسة و تنزل من الاسانسير أو سلم البيت للسيارة كله indoor)
ثاني طريقة , أن يكون السكن قريبا قدر الإمكان من خط المترو , لأن خط المترو معناه وجود شبكة تحت الأرض من الشوارع و الممرات ترحم شوية من البرودة فوق الأرض( و ده معناه أن السكن سيكون عادة في أخر اربع محطات اتجاه الشمال http://en.wikipedia.org/wiki/Edmonto...t_Rail_Transitلأن هي دي المناطق الملاحظ قرب السكن فيها من المترو و غير ذلك منطقة وسط المدينة اللي الاسعار السكن فيها أغلى كثيرا أومنطقة الجامعة اللي مفيهاش سكن اصلا.
ثالث طريقة بالملابس, و جدير بالذكر أن ملابس مصر لا تصلح لهذا الجو لأن هنا مطلوب انك تلبس ثقيل و خفيف في نفس الوقت يعني في صورة طبقات, لـأن جميع الأماكن هنا فيها تدفئة حتى اذا ما وصلت للمول أو للأتوبيس أو لجهة عملك أو حتى للشارع تحت الأرض يكون سهل أنك تتخلص من الطبقة الأولى (اللي هي جاكت أو بلطو ) و ممكن يكون لبس صيفي أو خريفي تحته..
وللجو ده مطلوب بالطو ثقيل و ده حوالي سعره هنا 100 دولار وقت التخفيض , بوت مبطن فرو حوالي 50 دولار وقت التخفيضات ,شال أو كوفيه و غطاء للرأس..يعني الخلاصة لا يظهر منك سوى العينين في هذا التوقيت من السنة !!! | |
|
